حكومەتا عێراقێ‌ فەرمی دانپێدان ب زانكویا زاخۆ كر
  2020-01-17       784       

پشتی كو بۆ دەمێ‌ چەند سالا حكومەتا عێراقێ‌ ژبەر ئاریشەیێن سیاسی دانپێدان ب زانكویا زاخۆ نەكر، بشێوەیەكێ‌ فەرمی حكومەتا عیراقێ‌ دانپێدان ب زانكویا زاخۆ كر و ئێدی زانكویا زاخۆ كێشەیەك بناڤێ‌ زانكویەكا نە باوەرپێكری نەما.


ئاوێنە، وارهێل نێروەی: پ.د.لەزگین عەبدی، سەرۆكێ‌ زانكویا زاخۆ بۆ "ئاوێنە" دیار كر: نڤیسارەكا فەرمی ژمارە (352) ل رێكەفتی ( 12 كانونا دووێ‌ 2020 )، ژ بەغدا هاتیە و بریار هاتیە دان كو حكومەتا عیراقێ‌ دانپێدانێ‌ ب زانكویا زاخۆ دكەت بێ‌ هیچ كێشەیەك و ئێدی قوتابیێن مە دشێن ل وەلاتێن دەوروبەر بەردەوامیێ‌ بدەنە خواندنا خوە ل وەلاتێن جیران و دەوروبەر و هەر چەندە مە ئەڤ كێشەیە دگەل وەلاتێن ئەوروپی نەبوو، لێ‌ ژبەر وان رێككەفتنێن رەوشەنبیری یێ‌ وەلاتی عیراقێ‌ دگەل وەلاتێن جیران پێدڤیە زانكویا زاخۆ ژلایێ‌ حكومەتا ناڤەندیا عێراقێ‌ دانپێدان پێ‌ هاتبوو كرن.
سەروكێ‌ زانكویێ‌ ئەو ژی دیار كر: هەر چەندە چەند تێبینیەك هەنە ئەو ژی هندەك بەشێن زانكویا زاخۆ كێماسیا كارمەند و ماموستایا هەیە، هەولێن زانكویێ‌ دگەل ئەنجومەنێ‌ وەزیران و وەزارەتا خواندنا بلند و وەزارەتا پەروەردێ‌ هەنە ژبۆ بریارێ‌ ڤەگوهاستنێ‌ بهێتە دەركرن دا كێشەیا ماموستایێن وانەبێژ ل زانكویا زاخۆ نەمینیت. 
 ئەو ژی گوت: بریارەكا گرنگ بوو هاتیە دەركرن و هەر چەندە زانكویا زاخو ژ هەژی وێ‌ چەندێ‌ بوو زووتر ئەڤ دانپێدانە پێ‌ هاتبوو كرن ، بەلێ‌ ژبەر كاودانێن سیاسی حكومەتا عیراقێ‌ دانپێدان ب زانكویا زاخۆ نەدكر.


زۆرترین بینراو
© 2020 Awene Online, Inc. All Rights Reserved.
×