وەزیری پێشمەرگە
داوا لە سەرۆكایەتی ئەنجومەنی وەزیرانی ههرێم دەكات دەرماڵەی بڕوانامە و پایە بۆ
پێشمەرگە خەرج بكرێت.
ئاوێنە: لە نوسراوێكدا كە بۆ سەرۆكایەتی ئەنجومەنی
وەزیرانی ناردوە، شۆڕش ئیسماعیل، وەزیری پێشمەرگە، داوای خەرجکردنی دەرماڵەی بڕوانامە
و پایە بۆ گشت ئەفسەر و پلەدار و پێشمەرگەکانی وەزارەتەکە دەکات.
هەر لە نوسراوەکەدا
رێژەی دەرماڵە داواکراوەکان بەپێی موچەكانیان بۆ هەڵگرانی بڕوانامەی دکتۆرا و
ماستەر و بەکالیۆرۆس و دیبلۆم و ئامادەیی و ناوەندی بەرەوخوار، هەروەها بۆ بەڕێوەبەری
بەڕێوەبەرایەتییەکان و بەرپرسی بەش و هۆبەکانی وەزارەتەکە دیاریکراوە.