2020-01-30   588     
پرۆژێ دروستكرنا دوو پرێن كونكرێتی لسەر رێیا شێخان بۆ گوندێن ( ئێسان و بێرستەك، كەمپا ئێسیان) یا ئاوارەیان بۆ سەنتەرێ باعەدرێ كار لسەر دهاتە كرن، ئێك ژ وان پرۆژان دوماهیك هاتیە، ئێك ژی بۆ دەمێ زێدەتر ژ سێ هەیڤایە كار لسەر نەهات بوو كرن، بویە ئاستەنگ بۆ رێیا قوتابی و هاولاتێن دەڤەرێ.
ئاوێنە، وارهێل نێروەیی: ئەندازیار خالد نەرمو، رێڤەبەرێ شارەوانیا باعەدرێ بۆ " ئاوێنە " راگەهاند: ئەڤ پرۆژە ژلایێ بوردێ كارۆبارێن مرۆڤایەتی ب هەماهەنگی دگەل رێكخراوەكا مرۆڤایەتی هاتیە جێ بەجێ كرن و دروست كرن، دوو پر هەبوون ژبەركو كوالتیا وان باش نەبوو هاتینە خراپ كرن و دوو پرێن نوو بهێنە دروست كرن.
گوت ژی: پرەك دناڤا كەمپێ دا دوماهیك هاتیە، پرا دی هێشتا كار لسەر مایە تەمام نەبوویە ب بەهانەیا باران بارینی كار لسەر نەدكر، ئەڤە ژی بۆ ئەگەر قەلەبالغیەك مەزن لسەر ڤێ رێَی دروست بیت، ژبەركو رێیا خەلكێ گوندا و كەمپێ یە هەروەسا رێیا سەرەكی یە بۆ سەنتەرێ باعەدرێ و شێخان پێكڤە گرێ ددەت، ئەڤە چەند روژەكن كار لسەر دهێتەكرن.
گوت ژی: ژبەركو وەرزێ زڤستانێ یە د رۆژانێن باران بارینێ دا ئاستەنگ بۆ قوتابیا و خەلكێ وان دەڤەرا دروست دبیت مەترسیا خراپبوونێ لسەرە ژبەركو ب ئاخێ هاتیە چێكرن، لەورا مە داخاز ژ لایەنێن پەیوەندیدار كریە ڤی پرۆژەی دوماهیك بینن.