2020-02-13   399     
ئەمڕۆ پێنجشەممە ١٣ی شوباتی ٢٠٢٠، عەبدولئەمیر حەمدانی، وەزیری رۆشەنبیری و گەشتوگوزار و شوێنەواری عێراق رایگەیاند کە پرۆژەیەکی هاوبەش لەگەڵ ٨ وڵات ئەنجام دەدەن.
ئاوێنە: عەبدولئەمیر حەمدانی ئاماژەی بەوەدا کە لەگەڵ ٨ وڵات کار لەسەر ئەوە دەکەن کە ئەو ئاسەوارە مێژووییانەی تێکشکاون چاکیان بکەنەوە و ئەو ئاسەوارانەش بگەڕێننەوە کە بردراوەتە دەرەوەی وڵات.
هاوکات وەزیر حەمدانی ئەوەشی خستەڕوو کە ٢٠ هەزار پارچە ئاسەواری مێژوویی عێراقی لە ئێستادا لە باڵیۆزخانەی عێراق لە واشنتۆنە و چاوەڕێی گەڕانەوە دەکات بۆ عێراق.