2020-02-25 559
ئاسایشی رۆژئاوای سلێمانی دەستگیرکردنی باندێکی دزیكردنی راگه‌یاند كه‌له شه‌ش كه‌س پێكهاتوون.
لئاوێنە: لە راگەیه‌نراوێکدا بەڕێوەبەرایەتی ئاسایشی رۆژئاوای سلێمانی رایگەیاند: "هێزەکانیان لەقەزای چەمچەماڵ، شه‌ش کەسیان بەتۆمەتی دزینی ئاژەڵ و پەلەوەر دەستگیركردووه".
راشیگەیاندووە: "ئەو باندە لەئێستادا بەبڕیاری دادوەر بەپێی ماددەی 444 لەیاسای سزدانی عیراقی راگیراون و لێکۆڵینەوە لە دۆسیەکانیان بەردەوامە".
بەڕێوەبەرایەتی ئاسایشی رۆژئاوای سلێمانی کە بارەگاکەیان لە قەزای چەمچەماڵە، ئەوەشی راگه‌یاند: دەستگیرکردنی ئەو شه‌ش کەسە دووەم باندی دزیکردنه کە هێزەکانیان لەماوەی دوو هەفتەدا دەستگیری بکەن.
به‌پێی راگه‌یه‌نراوه‌كه‌ی بەڕێوەبەرایەتی ئاسایشی رۆژئاوای سلێمانی، باندی پێشووتریش نۆ کەس بوون کە باندێکی دزینی ئۆتۆمبێل بوون.