پشتی چەند حالەتەک ل دهوکێ هاتینە دەستنیشانکرن نەخوشخانا سوتنێ تایبەت کر بوو ڤایروسێ کۆرۆنا کو جهێ 50 کەسان هەیە٫ نەخوشخانەیەکا دی یا 45 تەختی هاتە دابین کرن بو نەخوشێن ڤی ڤایروسی.

ئاوێنە٫ وارهێل نێروەیی: پارێزگارێ دهوکێ٫ فەرهاد ئەتروشی راگەهاند: ده‌ست خوشى وسوپاسیا وه‌به‌رهێنه‌ر وخێرخاز "زكرى به‌شیر" كر ل دور ڤێ ده‌ست پێشخه‌ریێ كو ئه‌ڤ نه‌خوشخانه‌ هه‌روه‌سا ئوتێله‌ك وچه‌ند كارێن دن ژى كرینه‌ وه‌كو خوبه‌خش وئێخستیه‌ دخزمه‌تا ساخله‌میێ دا.

هه‌روه‌سا سوپاسیا هه‌موو سه‌رمایه‌دار وخێر خاز و ده‌زگه‌هان کر وه‌كو خو به‌خش هه‌ڤكارى دگه‌ل ژورا ئوپه‌راسیونا كرى یه‌ هەروەسا سوپاسیا خه‌لكێ پارێزگه‌هێ كر كو هه‌تا نوكه‌ زور دهاریكاربوینه‌ دگه‌ل ژورا عه‌مه‌لیاتا بوبجه ئینانا رێنما وبریارێن حكومه‌تا كوردستانێ وژورا ئوپه‌راسیونا وداخاز ژخه‌لكێ پارێزگه‌هێ كر كو پتر د هشیار و هاریكاربن دگه‌ل لایه‌نێن په‌یوه‌ندیدار ژبو بجه ئینانا هه‌موو رێنما وبریارێن حكومه‌تا كوردستانێ وژورا عه‌مه‌لیاتا بو وێ یه‌كێ ئه‌ڤ نه‌خوشیه‌ ژ هه‌موو خه‌لكێ پارێزگه‌هێ بهێته‌ دوركرن.

ژلایێ خوڤه‌ د.نزار عسمەت٫ رێڤه‌به‌رێ گشتى یێ ساخله‌میێ دهوکێ دیار کر: ئەڤ نه‌خوشخانە دێ بیته‌ هاریكار بو حه‌واندنا گومانلێكریێن نه‌خوشیا ڤایروسێ كورونا وهه‌ر گومانلێكریه‌ك ژ (24- 48) ده‌م ژمێرا دێ ل ڤێ نه‌خوشخانێ مینت هه‌تا ئه‌نجامێن بشكنینێ بو ده‌ردكه‌ڤن هه‌روه‌سا بارێ نه‌خوشخانێن دى دێ هێته‌ سڤكرن وسوپاسیا خێرخاز زكرى به‌شیر كر بو ئاڤاكرنا ڤێ نه‌خوشخانێ وته‌رخانكرنا جهێن دى بو كه‌ره‌نتیكرنا وه‌لاتیان .

گوت: نه‌خوشخانه‌ ژ( 45)ته‌ختا پێك دهێت و هه‌موو پێدڤیێن نوشدارى وه‌كو ته‌خت وته‌له‌فزیون وهێلا ئنترنێتێ ویه‌كه‌یێن كارگێرى دناڤدا هه‌نه‌ پروژه‌ دماوێ 7 هه‌تا نه‌ه روژان دا هاتیه‌ دورستكرن ، هه‌روه‌سا گوت: ئه‌م وه‌كو گروپێ كاڤین دئاماده‌ینه‌ هه‌ر داخازییه‌كا ژمه‌ بهێته‌ كرن بێخینه‌ دخزمه‌تا ژورا ئوپه‌راسیونا یا به‌رهنگاربونا ڤایروسێ كورونا.