مستەفا بالی، بەرپرسی ناوەندی راگەیاندنی هێزەكانی سوریای دیموكرات(هەسەدە) سەركەوتنی بەسەر داعش لە باغۆز و كۆتاییهاتنی دەوڵەتی "خەلافەت"ی راگەیاند.

ئاوێنە: مستەفا بالی، ئەمڕۆ شەممە لەتویتێكدا رایگەیاند"باغۆز رزگاركرا، سەركەوتنی سەربازی بەسەر داعشدا هاتەدی."

وتوشیەتی"ئەو سەركەوتنە پێشكەش دەكەین بە سەرجەم خانەوادەی شەهیدان و بریندارەكانمان، ئەوانەی ئەگەر قوربانییەكانی ئەوان نەبوایە ئەم سەركەوتنە بەدی نەدەهات."  

ئەوەشی خستۆتەڕو"دوای ساڵانێك لە قوربانیدانی مەزن، موژدەی كۆتاییهاتنی دەوڵەتی بەناو خەلافەت بە جیهان دەدەین و پەیمانیش دوپات دەكەینەوە لەسەر بەردەوامبونمان لەشەڕو شوێنكەوتنی پاشماوەكانیان تاوەكو سەركەوتنی تەواوەتی بەسەریاندا."

عاجل
الباغوز تحررت،والنصرالعسكري ضد داعش تحقق.
نهدي هذا النصر لكل عوائل الشهداء و جرحانا،أولئك الأبطال الذين لولا تضحياتهم لما تحقق هذا النصر.
بعد سنوات من التضحيات الكبرى نبشر العالم بزوال دولة الخلافة المزعومة ونجدد العهد على مواصلة الحرب وملاحقة فلولهم حتى القضاء التام عليهم

— Mustafa Bali (@mustefabali) March 23, 2019

لەلایەكی دیكەوە ئاژانسی هاوار نیوز هێمای بۆ ئەوە كردوە كە هێزەكانی سوریای دیموكرات ئاڵای خۆیان لەسەر كامپی باغۆز هەڵداوەو ئەوەش سەركەوتنیان بەسەر داعشدا راگەیاندوە.

چیا فوڕات، فەرماندەی گشتی هەڵمەتی گەردەلولی جزیرە پیرۆزبایی لە شەڕڤانانی هەسەدەو تەواوی پێكهاتەكانی ناوچەكە كرد بەبۆنەی ئەو سەركەوتنە مێژوییە بەسەر داعشدا.

وتیشی"ئەم سەركەوتنە پێشكەش دەكەین بە سەرجەم گەلانی جیهان، بەتایبەت كورد، عەرەب و سریانەكان."

چیا فوڕات رونیكردەوە كە داعشیان تێكشكاندو لەجوگرافیای ناوچەكەدا سەركەوتن بەسەریاندا، ئەوەشی خستەڕو كە لەچەند سەعاتی داهاتودا فەرماندەیی گشتی هێزەكانی سوریای دیموكرات بەیاننامەیەك سەبارەت بە هەڵمەتەكەیان و ئەو سەركەوتنەی بەدیهاتوە، بڵاودەكاتەوە.