2020-05-30 394
ئه‌ندامێكى فراكسیۆنى یه‌كگرتووى ئیسلامیى له په‌رله‌مانی كوردستان له‌باره‌ى دۆسیه‌ى 27 ملیار دۆلار قه‌رزه‌كه، داواى لێپرسینه‌وه له حكومه‌ت ده‌كات بۆ ئه‌وه‌ى ورده‌كارییه‌كه‌ى ئاشكرا بكات.
ئاوێنه: سه‌رچنار ئه‌حمه‌د، ئه‌ندامی فراكسیۆنى یه‌كگرتووى ئیسلامیى له په‌رله‌مانی كوردستان رایگه‌یاند "ده‌بێت لێپرسینه‌وه له‌گه‌ڵ حكومه‌تی هه‌رێم بكرێت له‌سه‌ر قه‌رزكردنی 27 ملیار دۆلار".
ئه‌وه‌شى خسته‌ڕوو، ده‌بێت حكومه‌ت وه‌ڵامی ئه‌م دوو پرسیاره بداته‌وه و بۆ خه‌ڵكى هه‌رێمى كوردستانی ئاشكرا بكات كه 27 ملیار دۆلاره‌كه‌ى له كوێ قه‌رز كردووه؟ له چی خه‌رجى كردووه؟
رێكه‌وتى 22 ى 5 ى 2020، "مه‌سرور بارزانى" سه‌رۆكى حكومه‌تى هه‌رێمى كوردستان رایگه‌یاند، 27 ملیار دۆلار قه‌رزدارن.