ئه‌مشه‌و پێنجشه‌ممه بومه‌له‌رزه‌یه‌ك به‌گوڕی 5.2 پله
به‌پێوه‌ری رێخته‌ر سێ ناوچه‌ی باكوری كوردستانی هه‌ژاند.
ئاوێنه: سه‌نته‌ری بومه‌له‌رزه‌زانی و روداوه سروشتییه‌كانی
توركیا رایگه‌یاند، سه‌عات 8:31 خوله‌كی ئه‌مشه‌و هه‌ر سێ پارێزگای دیلۆك، خه‌رپیت،
روحا-ی هه‌ژاندوه.
به‌پێی میدیاكانی توركیا بومه‌له‌رزه‌كه له چه‌ند
پارێزگایه‌كی دیكه‌ی باكوری كوردستان وه‌ك ئامه‌د، مه‌لاتێ و مێردین هه‌ستی
پێكراوه.
ناوه‌ندی بومه‌له‌رزه‌كه شارۆچكه‌ی سیڤریجه‌ی پارێزگای
خه‌رپیت بوه.
تا ئێستا زیانه ماددی و گیانییه‌كانی ئه‌و بومه‌له‌رزه‌یه
نه‌خراونه‌ته‌ڕو.