ئەندامی پەرلەمانی كوردستان لەفراكسیۆنی یەكێتی، زیاد جەبار رایدەگەیەنێت كاتژمێر 12 ی نیوەرۆی ئەمرۆ لیژنەی یاسایی پەرلەمانی كوردستان كۆدەبێتەوە، باس لەوەش دەكات لەئێستادا ئەندامانی فراكسیۆنی یەكێتی لەپەرلەمانن.
ئاوێنە: زیاد جەبار، ئەندامی پەرلەمانی كوردستان لەفراكسیۆنی یەكێتی بە ئاوێنەی راگەیاند ئەو تێبینی‌و سەرنجانەی لەخوێندنەوەی دوەم ئامادەكراوە وەك خۆی جێبەجێ بكرێت، ئەوا فراكسیۆنی یەكێتی بەشداری كۆبونەوەی كاتژمێر 2 ی پاشنیوەرۆی ئەمرۆ دەكات كە تایبەتە بە پەسەندكردنی پرۆژە یاسای هەمواری دامەزراوەی سەرۆكایەتی هەرێمی كوردستان.
ئەو وتی "ئەگەر گۆرانكاریی بكرێت رەنگە ئێمەش قسەی خۆمان هەبێت، مادەی 3 لەپرۆژەیاساكە كە لیژنەی یاسایی راپۆرتی خۆی لەسەر نوسیوە ئەوەیە كە سەرۆكی هەرێم دو جێگری هەبێت، ئەگەر ئەم مادەیە لاببرێت نایاسایی دەبێت".
لێدوانی زیاد جەبار، ئەندامی پەرلەمانی كوردستان لەفراكسیۆنی یەكێتی