لاپەڕەی رەسمی پۆلیسی سلێمانی لە فەیسبوك هاك كرا
  2019-04-20       1337       

پۆلیسی سلێمانی رایگەیاند، لاپەڕەی رەسمی(پەیج) بەڕێوەبەرایەتی پۆلیسی سلێمانی لە فەیسبوک لەلایەن کەسانی نەناسراوەوە هاک کراوە.

ئاوێنە: سەرکەوت ئەحمەد، وتەبێژی پۆلیسی سلێمانی بە ئێن ئاڕ تی راگەیاند، لە بەرەبەیانی ئەمڕۆ شەممە (٢٠ی نیسانی ٢٠١٩) پەیجەکەیان لە فەیسبوک هاک کراوە و لە هەوڵی گەڕاندنەوەیدان، تائێستاش نازانن لەلایەن کێوە هاک کراوە.

ئەو کەسەی پەیجەکەی هاک کردوە، بەشێک لە بڵاوکراوەکانی سڕیونەتەوە و وێنەی چەند بەرپرسێکی بەڕێوەبەرایەتییەکەی داناوە و بە "گەندەڵیی" تۆمەتباری کردون.

پەیجی بەڕێوەبەرایەتی پۆلیسی پارێزگای سلێمانی زیاتر لە ٤٠ هەزار لایکی هەیە و رۆژانە کار و چالاکییەکانی بەڕێوەبەرایەتییەکە و ئەو روداوانە بڵاودەکاتەوە کە لە سنوری بەڕێوەبەرایەتییەكەدا رودەدەن.

زۆرترین بینراو
© 2024 Awene Online, Inc. All Rights Reserved.
×