بەڕێوەبەری ناحیەی "گرعزێر"ی باشوری قەزای شنگال دەستی
لەكاركێشایەوە و سەبارەت بەهۆكاری دەستلەكاركێشانەوەكەی دەڵێت"ناحیەكە لەلایەن
حەشدی شەعبی-یەوە بەڕێوەدەبرا و دەسەڵات شەرعی نەبو."
ئاوێنە: شوكر ملحم، بەڕێوەبەری
ناحیەی گرعزێر، لە لێدوانێكدا بە ماڵپەڕی رەسمی پارتی رایگەیاند"دوای ڕوداوەكانی
١٦ی ئۆكتۆبەر، ئێمە ئیدارەی شنگال و ناحیەی گرعزێر-مان گرتە دەست، بەڵام بەهۆی نەبونی
دەستەڵات و وەرگرتنی شەرعییەتەوە، دەستمان لە كار كێشایەوە."
ملحم وتیشی"ئێستا ناحیەی گرعزێر بەتەواوی وێرانە و بە كەڵكی ژیانكردن نایەت،
ئەنجومەنی پارێزگای موسڵیش شەرعیەت بە ئێمە نادات و ئیدارەی كۆنی شنگال-یش ناگەڕێتەوە
و هیچ دەستەڵاتێك لە دەستماندا نەبو، هەر لەبەر ئەوە دەستمان لە كار كێشاوەتەوە."