نێچیرڤان بارزانی، سهرۆكی ههڵبژێردراوی ههرێمی
كوردستان پیرۆزبایی جهژنی رهمهزان له خهڵكی كوردستان دهكات و هیواداره ئهم
جهژنه ببێته هاندهری ههمو لایهك بۆ یهكڕیزیی و ئاشتهوایی و تهبایی.
ئاوێنه: نێچیرڤان بارزانی، ئێوارهی ئهمڕۆ دوشهممه
لهپهیامێكدا بهبۆنهی هاتنی جهژنی رهمهزانهوه رایگهیاند"هیوادارم ئەم
جەژنە ببێتە مایەی خێر و خۆشی بۆ هەموان و هاندەری هەمو لایەک بێت بۆ یەکڕیزی و ئاشتهوايى
و تەبایی. هەمومان پێکەوە بە گیانی لێبوردەیی و یەکترقبوڵکردنەوە، لەپێناو ئاشتی و
سەقامگیری و بەرژەوەندییە باڵاکانی گەلی کوردستاندا، ئەرک و بەرپرسیاریهتیی خۆمان
بەرامبەر بە گەل و نیشتمان بەجێ بهێنين."
دهقی پهیامهكهی نێچیرڤان بارزانی...
بەبۆنەی هاتنی جەژنی ڕەمەزانی پیرۆزەوە، گهرمترين پيرۆزبايى
سهرهتا له خانەوادەی سەربەرزی شەهیدان و ئهنفالكراوان و پێشمەرگە قارەمانەکانمان،
ئينجا له سەرجەم موسڵمانانی کوردستان و عێراق و جیهان و ڕەوەندی کوردستانی لە دەرەوەی
وڵات دهكهم.
هیوادارم ئەم جەژنە ببێتە مایەی خێر و خۆشی بۆ هەموان و هاندەری
هەمو لایەک بێت بۆ یەکڕیزی و ئاشتهوايى و تەبایی. هەمومان پێکەوە بە گیانی لێبوردەیی
و یەکترقبوڵکردنەوە، لەپێناو ئاشتی و سەقامگیری و بەرژەوەندییە باڵاکانی گەلی کوردستاندا،
ئەرک و بەرپرسیاریهتیی خۆمان بەرامبەر بە گەل و نیشتمان بەجێ بهێنين.
بهو هیوایهی جهژن و یاد و بۆنهکانی داهاتوی ههمو پێکهاته
ئايينى و نهتهوهييهكانى کوردستان له سايهى قوڵبونهوهى زياترى كولتورى پێكهوهژيان
و تهبايى و فرهڕهنگى، ئارامی، ئاوهدانی، پێشکهوتنی بهردهوام و ژيانێكى باشتردا
بگهڕێنهوه.
دوباره جهژنى ڕهمهزان
له ههمو لايهك پيرۆز بێت و هيواى پشويهكى خۆش و ئارام بۆ ههموان دهخوازم.
نێچیرڤان بارزانی
سەرۆکی هەڵبژێردراوی هەرێمی کوردستان
3/6/2019