سالار مهحمود، راوێژكاری سهرۆك كۆماری عێراق رایگهیاند،
بەمەبەستی بەشداریکردن لەڕێوڕهسمی سوێندخواردنی سەرۆکی نوێی هەرێم بە سەرۆکایەتی وەفدێکی
باڵای عیراق کە پێکهاتون لە سەرۆک وهزیران و سەرۆکی پەرلەمانی عیراق و وەزیرو پەرلەمانتاران
و راوێژکاران بەرهەم ساڵح دهگاته ههولێری پایتەختی هەرێم و لە فڕۆکەخانەی هەولێر
بەپرۆتۆکۆڵی رهسمی پێشوازیان لێدهكرێت.
ئاوێنه: سالار مهحمود، ئێوارهی ئهمڕۆ(یهكشهممه)،
لهڕاگهیهندراوێكدا وتی"ئەم سەردانە کاریگەری ئیجابی لە رەواندنەوەی کێشە سیاسیەکان
دەبێت و سەرەتایەکی باش و دەرفەتە بۆ چەسپاندنی سیستمی پەرلەمانی لە کوردستاندا کە
سەرۆکی هەرێم لەبەردەم پەرلەمان سوێندی یاسایی دەخوات."
وتیشی"هەروەها لە چارەسەری گرفتی نێوان هەردو حزبی باڵای کوردستان
یەکێتی و پارتیش کاریگەری ئیجابی هەبوەو دەبێت."
ئهوهشی خستۆتهڕو"سیاسەت پێویستی بە لەبەرچاوگرتنی بەرژەوەندییە
باڵاکانەو رەواندنەوەی گرژیەکان خزمەت بە قوت و ژیانی خەڵکی کوردستان دەکات."
بهپێی قسهی سالار مهحمود"بە گیانی بەرپرسیارێتیەوە
سەرۆک کۆمار وەک هەوێنی یەکڕیزی دەڕوانێتە هەستیاری بارودۆخەکە لە دروستکردنی گوتاری
هاوبەشی عیراق بەهەرێمیشەوە. لەبەرامبەر دۆخی ئاڵۆزی ناوچەکەو بونیادنانی دەوڵەت و
بە دورگرتنی لە مەترسی و ململانێ نەخوازراوەکان."