ئیئتیلافی نەسر، بەسەرۆكایەتی حەیدەر
عەبادی، داوا دەكات كەركوك بەدوربگیرێت لەهەر ئەجیندایەك و جەخت لەسەر پێویستی
زاڵكردنی زمانی گفتوگۆ دەكاتەوە لەچارەسەركردنی پرسی پارێزگاری شارەكەدا.
ئاوێنە: ئیئتیلافی نەسر لەبەیاننامەیەكدا
رایگەیاند، داوا لە پێكهاتەكانی كەركوك دەكەن زمانی گفتوگۆ زاڵ بكەن لە
چارەسەركردنی پرسی پارێزگاری شارەكەدا، بەجۆرێك كە مافی هەموان و ئاسایش و
سەقامگیری پارێزگاكە دەستەبەر بكات.
هێماشی بۆ ئەوە كردوە كە دەستەبەركردنی
مافی بەرامبەر، بنەمای سەرەكییە بۆ دەستەبەركردنی بەرژەوەندییەكان و چارەسەركردنی
كێشەكان بەپێی دەستورو دور لە سەپاندنی سیاسەتی ئەمری واقیع.
هەروەك
ئیئتیلافی نەسر داواشی كردوە كەركوك بەدور بگیرێت لە هەر ئەجیندایەكی نەتەوەیی و
تائیفی و حزبی لەپێناو دەستەبەركردنی ئاشتی و خۆشگوزارەتی بۆ شارەكەو خەڵكەكەی.
دیاریكردنی تەیب جەبار، وەك كاندید بۆ
پارێزگاری كەركوك لەلایەن یەكێتی و پارتییەوە، كاردانەوەی توندی عەرەب و
توركمانەكانی پارێزگاكەی لێكەوتەوەو بەشێوەی جیاجیا لەوانە خۆپیشاندان،
رێككەوتنەكەی یەكێتی و پارتیان بۆ دانانی پارێزگاری نوێی شارەكە رەتكردەوە.