2019-07-22 587
ئاژانسی RT ئاشکرای کرد ''ئەمڕۆ عادل عەبدولمەهدی، سەرۆکوەزیرانی عێراق سەردانی تەهڕانی پایتەختی کۆماری ئیسلامی ئێران دەکات''.
ئاوێنه: چەند سەرچاوەیەک بەو ئاژانسە روسییەیان راگەیاندووە، سەرۆک وەزیرانی عێراق ئەمڕۆ سەردانی تاران دەکات و لەگەڵ بەرپرسانی ئێران تاوتوێی گرژییەکانی نێوان ئەمریکا و بەریتانیا لەگەڵ ئەو ئێران دەکات.
هاوکات لە هەواڵەکەی ئەو پێگە رووسییە ئاماژە بەوەکراوە کە عێراق هەوڵی هێورکردنەوەی ئەمریکا و ئێران دەدات. بۆ ئەم مەبەستەش دوو شاندی ناردۆتە واشنتۆن و تاران بۆ گفتوگۆکرد.
هەروەها باس لەوەش دەکرێت کە عێراق نایەوێت ببێتە نێوەندگیر لە نێوان ئەو دوو وڵاتە، بەڵکو تەنها بۆ هێورکردنەوەی دۆخەکە هەوڵ دەدات.