2019-08-12 1425
پەرلەمانتارێکی عێراق ئاشکرای کرد، هەندێک لە حزبەکان، مانگانە ٥٠ ملیۆن دۆلاریان لە قومار و بازرگانی مادەی هۆشبەر و له‌شفرۆشیه‌وه دەست دەکەوێت.
ئاوێنه: فائیق شێخ عەلی پەرلەمانتاری سەربەخۆی عێراقی رایگەیاند، ''بەشێک لە حزبە دەستڕۆیشتووەکان، مانگانە ٥٠ ملیۆن دۆلاریان لە قومار و بازرگانی‌كردن بە ئافرەتان و مادەی هۆشبەر دەست دەکەوێت''.
پێشتریش، حاکم زاملی سەرۆکی لیژنەی ئاسایش و بەرگری لە ئەنجوومەنی نوێنەران، ئاماژەی بە بوونی زیاتر لە ١٠ هۆڵی قومار لە هۆتێلەکانی بەغدا کردبوو.
زاملى باسی له‌وه‌ش كرد بوو، ئه‌فسه‌رانى باڵا له پشت قومارخانه و بازرگانیكردنن به مرۆڤ و كارى له‌شفرۆشیه‌وه‌ن، هه‌رچه‌نده به‌ڕواڵه‌ت ئه‌و هۆڵانه له‌لایه‌ن كه‌سانى تورك و ئۆكرانى به‌ڕێوه‌ده‌برێن، به‌ڵام ئه‌وانیش به‌رپرسى عێراقییان له‌پشته و ئه‌م كاره‌یش بۆ سپیكردنه‌وه‌ى پاره به‌كار ده‌هێنن.