شەوی رابردو بە
نارنجۆك هێرش دەكرێتە سەر ماڵی سەرۆكی پێشوتری شارەوانی قەڵادزێ بەڵام هێرشەكە بێ
زیان دەبێت.
ئاوێنە:
بەڕێوەبەرایەتی پۆلیسی راپەڕین لەڕاگەیەندراوێكدا بڵاویكردەوە كە شەوی رابردو
كەسێكی نەناسراو نارنجۆكێكی هەڵداوەتەوە بەردەم ماڵی سەرۆكی پێشوتری شارەوانی
قەڵادزێ.
هێمای بۆ ئەوەش
كردوە كە دوای روداوەکە دەستبەجێ هێزەکانیان لە بنکەی پۆلیسی فریاکەوتنی پشدەر و
بنکەی پۆلیسی قەڵادزێ گەیشتونەتە شوێنی ڕوداوەکە.
ئاشكراشیكردوە
كە هێرشەكە هیچ زیانێکی گیانی لێ نەکەوتۆتەوە.
بەپێی قسەی
پۆلیسی راپەڕین تا ئێستا هیچ كەسێك لەسەر هێرشەكە دەستگیرنەكراوە.