یەرەکە: کۆماری ئیسلامیی ئێران بە درۆن و تۆپخانە سنووری سەردەشتی بۆردوومان کرد و هیچ زیانێک بەر هێزەکانمان نەکەوتووە
  2026-11-19     

ناوەندی ڕاگەیاندن و چاپەمەنیی یەکینەکانی پاراستنی ڕۆژهەڵاتی کوردستان (یەرەکە)، لە ڕاگەیەندراوێکی فەرمیدا وردەکاریی هێرشێکی تۆپخانەیی و درۆنیی کۆماری ئیسلامیی ئێرانی بۆ سەر ناوچە سنوورییەکانی شارۆچکەی سەردەشت بڵاوکردەوە و ئاماژەی بە کاریگەرییە ژینگەیی و کۆمەڵایەتییەکانی ئەو هێرشانە کرد.

ئاوێنە: ​بەپێی ڕاگەیەندراوەکەی یەرەکە، لە درێژەی هێرشە تۆپخانەیی و درۆنییەکانی کۆماری ئیسلامیی ئێراندا، ڕۆژی چوارشەممە (١٨ـی تشرینی دووەمی ٢٠٢٦)، ناوچەکانی سەر بە شارۆچکەی سەردەشت، بەتایبەتی دەڤەری "میراوا"، کراونەتە ئامانج. وەک لە ڕاگەیەندراوەکەدا هاتووە، هێرشەکان ماوەی یەک کاتژمێریان خایاندووە و لە کاتژمێر ١١:٠٠ـی پێشنیوەڕۆ تا ١٢:٠٠ـی نیوەڕۆ بەردەوام بوون.

​یەرەکە لە بەشێکی دیکەی ڕاگەیەندراوەکەیدا باسی لە زیانەکانی ئەو تۆپباران و درۆنبارانە کردووە و ڕایگەیاندووە، ئەم هێرشانە بوونەتە هۆی تێکدانی ژینگە و گەیاندنی زیان بە جوگرافیای ناوچەکە. هاوکات ئەوەشی خستووەتە ڕوو کە ئەو دۆخە ترس و دڵەڕاوکێی لای هاووڵاتییان دروست کردووە و ژیانی ڕۆژانەی دانیشتووانی ناوچەکەی تووشی پەککەوتن و ئاستەنگ کردووە.

​ناوەندی ڕاگەیاندن و چاپەمەنیی یەرەکە جەختی لەوەش کردووەتەوە، بەردەوامبوونی ئەم جۆرە هێرشانە، جگە لەوەی کەشێکی نائەمن و پڕ لە دڵەڕاوکێ لە نێو خەڵکدا دەهێنێتە کایەوە، کاریگەریی ڕاستەوخۆ و نەرێنیشی لەسەر بارودۆخی گوزەران، ژیان و چالاکییە ڕۆژانەکانی هاووڵاتییانی دەڤەرەکە دەبێت.

​لە کۆتایی ڕاگەیەندراوەکەدا و سەبارەت بە زیانە سەربازییەکان، یەکینەکانی پاراستنی ڕۆژهەڵاتی کوردستان دڵنیاییان داوە کە لە میانی ئەو هێرشانەدا هیچ زیانێک بەر هێزەکانیان نەکەوتووە.

زۆرترین بینراو
دوای ٣٥ ساڵ لە مانەوەیان لە تونس؛ عێراق دوو فڕۆکەی مێژوویی جۆری "بۆینگ ٧٤٧" دەفرۆشێت
یه‌كه‌م چاوپێكه‌وتنی لاهور شێخ جه‌نگی له‌ زیندانه‌وه‌
هاوپه‌یمانی نیشتمانی: هێزێکی ئەمنی هەڵیانکوتاوەتە سەر بارەگای سەرەکیی حزبمان لە هەولێر
له‌سه‌ر دۆسیه‌ی قاچاخچێتی له‌ جورف سه‌خر، به‌ڕێوه‌به‌ری گشتیی كۆمپانیای هێڵی بۆرییه‌‌ نه‌وتییه‌كان ده‌ستگیركرا
ڕەشنوسی بودجەی 2027ی عێراق تەواوکرا؛ داهاتی نانەوتی دەگاتە 19٪ و دۆسیەی نەوتی هەرێم وەک بەربەستی سەرەکی دەمێنێتەوە
جرف الصخر لەسەر لێواری تەقینەوە؛ ئەمریکا بە تەلەفۆن و ئێران لە مەیداندا
تره‌مپ: له‌ په‌یوه‌ست به‌ ئێرانه‌وه‌ تا دوای سه‌ری ساڵی نوێ چاوه‌ڕێ ده‌كه‌ین
ترەمپ بە ئامادەبوونی پووتین و شی جینپینگ: ڕێگە نادەین ئێران ببێتە خاوەنی چەکی ئەتۆمی
یەرەکە: کۆماری ئیسلامیی ئێران بە درۆن و تۆپخانە سنووری سەردەشتی بۆردوومان کرد و هیچ زیانێک بەر هێزەکانمان نەکەوتووە
گۆڕانکاریی ڕیشەیی لە کەشوهەوادا؛ پێشبینی شەپۆلی بەهێزی بارانبارین و ئەگەری لافاو لە کۆتایی ئەم مانگەدا دەکرێت
© 2026 Awene Online, Inc. All Rights Reserved.
×