تره‌مپ: له‌ په‌یوه‌ست به‌ ئێرانه‌وه‌ تا دوای سه‌ری ساڵی نوێ چاوه‌ڕێ ده‌كه‌ین
  2026-11-19     

دۆناڵد تره‌مپ، سه‌رۆكی ئه‌مریكا رایگه‌یاند، ئه‌مریكا تاوه‌كو دوای سه‌ری ساڵی نوێی زایینی چاوه‌ڕی ده‌كات بزانێت چی روده‌دات له‌ په‌یوه‌ست به‌ ئێرانه‌وه‌.

ئاوێنه‌: دۆناڵد تره‌مپ، سه‌رۆكی ئه‌مریكا، ئه‌مڕۆ پێنجشه‌ممه‌، له‌میانی سه‌ردانه‌كه‌یدا بۆ چین، له‌باره‌ی ئێران به‌ كه‌ناڵی فۆكس نیوزی راگه‌یاند "بەمزوانە ساڵێكی نوێ دەستپێدەکات و چاوه‌ڕێ ده‌بین بزانین له‌دوای 1ی 1ی 2027 چی ڕودەدات، بەڵام ئێرانییه‌كان دوژمنكارانه‌ ره‌فتاریان كرد."

لێدوانەکانی ترەمپ لە میانەی چاوپێکەوتنێکدا هاتن کە تێیدا پرسیاری لێ کرا سەبارەت بە ڕاپۆرتێکی کەناڵی (سی ئێن ئێن) لەم هەفتەیەدا کە تێیدا هاتبو ئێران پلانی هەیە "بۆمبێکی پیس" لە واشنتن بتەقێنێتەوەو بۆمبه‌ پیسه‌كه،‌ تەقەمەنیی تەقلیدی بەکاردەهێنێت بۆ بڵاوکردنەوەی ماددەی تیشکدەر.

تره‌مپ له‌ مه‌ترسی ئه‌و هه‌ڕه‌شه‌یه‌ی كه‌مكرده‌وه‌و وتی "پێم وا نییە وا بێت" لە وەڵامی ئەو پرسیارەی ئایا پێویستە دانیشتوانی پایتەختی ئه‌مریكا هەست بە نیگەرانی بکەن یان نا. بەڵام وتیشی، ئاماژە هەن کە ئێران "لێکۆڵینەوە دەکات" لە بەدەستهێنانی چەکی بایۆلۆجی یان کیمیایی، بەبێ ئەوەی وردەکاریی زیاتر بخاتەڕو.

ترەمپ وتی "ئاماژە هەن کە ئێران بیر لە بەدەستهێنانی چه‌كی كیمیایی و چەکی بایۆلۆجی دەکاتەوە، چونکە ئێمە پرۆگرامە ئەتۆمییەکەیمان ڕاگرت. ئەتۆمی زۆر قورسترە. ئەوان بیر لە كیمیایی و... چەکی بایۆلۆجی دەکەنەوە، کە ئەمانە شتی باش نین".

به‌ڵام رۆژی سێشه‌ممه‌، ئیسماعیل به‌قایی، وته‌بێژی وه‌زاره‌تی ده‌ره‌وه‌ی ئێران، راپۆرته‌كه‌ی سی ئێن ئێنی به‌ "بێ بنه‌ما" وه‌سف كرد.

وەزارەتی دەرەوەی ئێران هێشتا وەڵامی داواکارییەکی بۆ لێدواندان نەداوەتەوە. وتەبێژی وەزارەتەکە ڕۆژی سێشەممە ڕاپۆرتەکەی (سی ئێن ئێن) بە "بێ بنەما" وەسف کرد.

زۆرترین بینراو
دوای ٣٥ ساڵ لە مانەوەیان لە تونس؛ عێراق دوو فڕۆکەی مێژوویی جۆری "بۆینگ ٧٤٧" دەفرۆشێت
یه‌كه‌م چاوپێكه‌وتنی لاهور شێخ جه‌نگی له‌ زیندانه‌وه‌
هاوپه‌یمانی نیشتمانی: هێزێکی ئەمنی هەڵیانکوتاوەتە سەر بارەگای سەرەکیی حزبمان لە هەولێر
له‌سه‌ر دۆسیه‌ی قاچاخچێتی له‌ جورف سه‌خر، به‌ڕێوه‌به‌ری گشتیی كۆمپانیای هێڵی بۆرییه‌‌ نه‌وتییه‌كان ده‌ستگیركرا
ڕەشنوسی بودجەی 2027ی عێراق تەواوکرا؛ داهاتی نانەوتی دەگاتە 19٪ و دۆسیەی نەوتی هەرێم وەک بەربەستی سەرەکی دەمێنێتەوە
جرف الصخر لەسەر لێواری تەقینەوە؛ ئەمریکا بە تەلەفۆن و ئێران لە مەیداندا
تره‌مپ: له‌ په‌یوه‌ست به‌ ئێرانه‌وه‌ تا دوای سه‌ری ساڵی نوێ چاوه‌ڕێ ده‌كه‌ین
ترەمپ بە ئامادەبوونی پووتین و شی جینپینگ: ڕێگە نادەین ئێران ببێتە خاوەنی چەکی ئەتۆمی
یەرەکە: کۆماری ئیسلامیی ئێران بە درۆن و تۆپخانە سنووری سەردەشتی بۆردوومان کرد و هیچ زیانێک بەر هێزەکانمان نەکەوتووە
گۆڕانکاریی ڕیشەیی لە کەشوهەوادا؛ پێشبینی شەپۆلی بەهێزی بارانبارین و ئەگەری لافاو لە کۆتایی ئەم مانگەدا دەکرێت
© 2026 Awene Online, Inc. All Rights Reserved.
×