باخچەلی سەبارەت بەلوتکەی سێ قۆڵی شی‌و پوتین‌و ترەمپ: دەبوو ئەردۆغانیشی تیا بووایە
  2026-11-19     

دەولەت باخچەلی، سەرۆکی مەهەپە لەبارەی لوتکەی سێ قۆڵی لەچین کە تێیدا دۆناڵد ترەمپ، سەرۆکی ئەمریکا، ڤلادیمێر پوتین، سەرۆکی روسیا و شی جینپینگ، سەرۆکی چین بەشدار بوون، دەڵێت "ناتوانرێت لە سیاسەتی جیهانیدا تورکیە پشتگوێ بخرێت، دەبوو ڕەجەب تەیب ئەردۆغانی سەرۆک کۆماریش لە لوتکەکەدا ئامادە بوایە. دەبوو لوتکەکە ڕووداوێکی سێ قۆڵی نەبووایە، بەڵکو کۆبوونەوەیەکی چوارلایەنە بێت کە ڕەجەب تەیب ئەردۆغانیشی تێدابووایە".

 

ئاوێنە: باخچەلی لەبەیاننامەیەکدا وێڕای ئەوەی کۆبوونەوەی ئەو سێ سەرکردەیە بەگرنگ دەزانێت، ڕەخنەی لەئامادەنەبوونی تورکیا لەلوتکەکەدا گرت‌و رایگەیاند ""ێویستە ئەردۆغان لە لوتکەکەدا ئامادە بێت، کە سەرکردەی متمانەپێکراوی جیهانی تورکی و ئیسلامیە، دەبوو بخرێتە ناو سیناریۆیەکی لەو شێوەیە. تورکیا وڵاتێکە کە ڕێز لە قسەکانی دەگیرێت و ناوەندێکی ئاشتی و دیپلۆماسییە، دەبوو لەسەر ئەم پلاتفۆرمە ئامادە بوایە. بۆ ئەوەی بەشداری لە ئاشتی و دادپەروەری جیهانیدا بکات".

راشیگەیاند "ناتوانرێت چاوپۆشی لە ئەردۆگان بکرێت‌و ئەمڕۆ بەبێ لەبەرچاوگرتنی تورکیا مەحاڵە سیاسەتی جیهان دابڕێژرێتەوە. تورکیا نوێنەرایەتی جیهانی تورکی ٢٥٠ ملیۆن کەسی و جیهانی ئیسلامی ٢ ملیار کەسی دەکات. لە کاتێکدا موسڵمانان چارەکێکی دانیشتوانی جیهان پێکدەهێنن، بە لەبەرچاوگرتنی تەنها سنووری وڵاتانی ئیسلامی، زیاتر لە 20%ی ڕووبەری جیهان پێکدەهێنن. ئەمە تەنانەت ناوچە موسڵمانەکانی ڕووسیا و چین و ئەفریقا و هیندستانیش ناگرێتەوە. جیهانی تورک لە ڕۆژهەڵاتی ئەوروپاوە تا ژاپۆن درێژ دەبێتەوە. بەشێکی زۆری جوگرافیای ئۆراسیا لە دەوڵەتانی تورک و وڵاتانی ئۆتۆنۆمی تورک و وڵاتانی دیکە کە تورکەکان تێیدا نیشتەجێن پێکدێت‌و تورکیا لە پلەی ١٦هەمین گەورەترین ئابوری جیهاندایە".

 

 

زۆرترین بینراو
دوای ٣٥ ساڵ لە مانەوەیان لە تونس؛ عێراق دوو فڕۆکەی مێژوویی جۆری "بۆینگ ٧٤٧" دەفرۆشێت
یه‌كه‌م چاوپێكه‌وتنی لاهور شێخ جه‌نگی له‌ زیندانه‌وه‌
هاوپه‌یمانی نیشتمانی: هێزێکی ئەمنی هەڵیانکوتاوەتە سەر بارەگای سەرەکیی حزبمان لە هەولێر
له‌سه‌ر دۆسیه‌ی قاچاخچێتی له‌ جورف سه‌خر، به‌ڕێوه‌به‌ری گشتیی كۆمپانیای هێڵی بۆرییه‌‌ نه‌وتییه‌كان ده‌ستگیركرا
ڕەشنوسی بودجەی 2027ی عێراق تەواوکرا؛ داهاتی نانەوتی دەگاتە 19٪ و دۆسیەی نەوتی هەرێم وەک بەربەستی سەرەکی دەمێنێتەوە
جرف الصخر لەسەر لێواری تەقینەوە؛ ئەمریکا بە تەلەفۆن و ئێران لە مەیداندا
تره‌مپ: له‌ په‌یوه‌ست به‌ ئێرانه‌وه‌ تا دوای سه‌ری ساڵی نوێ چاوه‌ڕێ ده‌كه‌ین
ترەمپ بە ئامادەبوونی پووتین و شی جینپینگ: ڕێگە نادەین ئێران ببێتە خاوەنی چەکی ئەتۆمی
یەرەکە: کۆماری ئیسلامیی ئێران بە درۆن و تۆپخانە سنووری سەردەشتی بۆردوومان کرد و هیچ زیانێک بەر هێزەکانمان نەکەوتووە
گۆڕانکاریی ڕیشەیی لە کەشوهەوادا؛ پێشبینی شەپۆلی بەهێزی بارانبارین و ئەگەری لافاو لە کۆتایی ئەم مانگەدا دەکرێت
© 2026 Awene Online, Inc. All Rights Reserved.
×