وەزیری تەندروستی توركیا ئاشكرایكرد: ژمارەی ئەوانەی بە ڤایرۆسی كۆرۆنا
گیانیان لەدەستداوە لە وڵاتەكەی گەیشتۆتە 108 كەس.
ئاوێنە: فەخرەدین كۆجا، ئەمڕۆ شەممە، لەبەیاننامەیەكدا رایگەیاند: ئەمڕۆ یەك
هەزارو 704 حاڵەتی دیكەی توشبون بە كۆرۆنا لە توركیا تۆماركراون و بەوەش ژمارەی
توشبوان گەیشتۆتە حەوت هەزارو 641 كەس.
هەروەها ئاشكراشیكردوە كە ئەمڕۆ بە مردنی 16 كەسی دیكە بەهۆی ڤایرۆسی
كۆرۆناوە، ژمارەی ئەوانەی بە ڤایرۆسەكە گیانیان لەدەستداوە بۆ 108 كەس بەرزبۆتەوە.