2020-06-29   3691     
دوای چوار ڕۆژ تێپەڕبون بەسەر هێرشێكی فڕۆکەیەکی بێفڕۆکەوانی تورکیا لەسەیرانگای کونەماسی پارتی ژیانی ئازادی كوردستان (پژاك) ناسنامەی ئەو شەهیدەی ئاشکراکرد.
ئاوێنە: پارتی ژیانی ئازادی كوردستان (پژاك) لەڕاگەیەندراوێکدا ڕایگەیاند، لەهێرشەکەی کونەماسی هەڤاڵێکیان شەهید بوو و سێ هەڤاڵی دیکەشیان برینداربوون. هاوکات کۆمەڵێک هاوڵاتی باشووری کوردستانیش بریندار و شەهید بوون.
لە ڕاگەیەندراوەكەی پارتی ژیانی ئازادی كوردستاندا هاتووە لە نیوەی ئەو مانگەوە هێرشێکی بەرفراوان دەکرێتە سەر تەڤگەری ئاپۆیی و هەموو هەرێمەکانی تەنیوەتەوە ، هەروەک لە لێدوانی رابردوومان لەسەر هێرشەکەی کونەماسی باسمان کردبوو، هەڤاڵێکمان شەهید بوو و سێ هەڤاڵێ دیکەشمان بریندار کەوتن. لهم هێرشهشدا کۆمەڵێ هاووڵاتی باشووری کوردستانیش بریندار و شەهید بوون. ئەو هێرشە کە لە لایەن فڕۆکە جەنگییەکانی دەوڵەتی تورکیاوە پێکهات دەرئەنجامی هەوڵ و تەقلای خەتی خەیانەت و بەکرێگیراوی بوو و بە هاوکاری کەسانی خۆفرۆش روویدا.
ئەوەشخراوەتەڕوو، ناو و پاشناوی شەهیدەکەیان رێبوار قولیزادەیە، ناوی ڕێکخستنەکەی ئاریوان شۆڕشگێرە و لەدایکبووی شاری بۆکانە.
ناسنامەی شەهید
ناو و پاشناو: رێبوار قولی زادە
ناوی رێکخستنی: ئاریوان شۆڕشگێر
لەدایکبووی: شاری بۆکان
شەهادەت: ٢٥/٦/٢٠٢٠ شارباژێر باشووری کوردستان