2020-07-01 1016
وەزارەتی نەوتی عێراق ئاماری وەبەرهێنان و هەناردەکردن و فرۆشتنی نەوتی بۆ مانگی حوزەیران بڵاوکردەوە و ئاماژەی بەوە داوە کە بەرمیلێک نەوت بە ٣٣.٨٦٤ دۆلار فرۆشراوە.
ئاوێنه: لەراگەیەندراوێکدا وەزارەتی نەوتی عێراق ئاماژەی بە هەناردەکردن و بەرهەمهێنان و داهاتی نەوتی داوە بۆ مانگی حوزەیران و رایگەیاندووە کە داهاتی مانگێکی نەوت ٢ ملیار و ٨٦١ ملیۆن دۆلار بووە و نرخی بەرمیلێک نەوت بە ٣٣.٨٦٤ دۆلار فرۆشراوە.
هاوکات لە راگەیەندراوەکەدا راشگەیەندراوە کە بڕی ٨٤ ملیۆن بەرمیل نەوت هەناردە کراوە و بە تایبەتی لە کەرکوک بری ٣ ملیۆن و ٤٨٢ هەزار بەرمیل لە کەرکوکەوە هەناردە کراوە بەرێگەی هێڵی بۆری نەوتی جەیهان.