ئێوارەی ئەمڕۆ
چوارشەممە، بەندكراوێكی بەشی گرتن و گواستنەوەی گەرمیان بەهۆی توشبونی بە كۆرۆنا لە
نەخۆشخانە گیانی لەدەستدا، ئەوەش یەكەم حاڵەتی گیانلەدەستدانە لەنێو بەندكراوانی
توشبودا لە هەرێمی كوردستان.
ئاوێنە: موقەدەم
عەلی جەمال قدوری، بەرپرسی راگەیاندنی پۆلیسی گەرمیان، لە راگەیەندراوێكدا وتی:
ئێوارەی ئەمڕۆ چوارشەمە بەندکراوێکی گرتن و گواستنەوەی گەرمیان بەناوی (هیوا تۆفیق
نامیق) لەدایکبوی 1976 بەهۆی توشبونی بە ڤایرۆسی کۆرۆنا گیانی لەدەستدا.
ئەوەشی خستۆتەڕو:
دوای ئەوەی دادگای کەتنی قەزای کفری بەپێی مادەی 457 بڕیاری دەستگیرکردنی بۆ
ناوبراو دەرکرد، رۆژی 21 /6/ 2020 پۆلیسی کفری ناوبراویان دەستگیرکردو ڕەوانەی بەشی
گرتن و گواستنەوەی گەرمیانیان کرد.
وتوشیەتی: دوای
پشکنین دەرکەوت ناوبراو هەڵگری فایرۆسی کۆرۆنایە. پاش ئەوەی چەند جارێک لەبەندیخانەوە براوەتە نەخۆشخانەو
چارەسەری بۆکراوە دواجار بەهۆی خراپی باری تەندروستیەوە لە 7/7/ 2020 ڕەوانەی نەخۆشخانەی
سلێمانی کراوە.
ئاشكراشیكردوە: ئێوارەی
ئەمڕۆ لەنەخۆشخانە گیانی لەدەستدا.