2020-09-20 917
بەڕێوەبەرایەتی هاتووچۆی گەرمیان ئاشكرای دەكات، كە لە ڕۆژی سێ شەممەوە دەست دەكەنەوە بە دانانی كامێراكانی تۆماركردنی خێرایی لەسەر شەقامەكان.
ئاوێنه: بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، “ئاگاداری شۆفێران و هاووڵاتیان دەكەینەوە، كە له ڕۆژی سێ شەممە 22/ 9/ 2020 ەوە كامێراكانی چاودێری تیژڕەوی لە سەر شەقامەكان دادەنرێن”.
جەختیشی كردۆتەوە، دانانی كامێراكان بە مەبەستی پابەندكردنی شۆفێرانە بە خێرایی دیاری كراوی شەقامەكان و كەمكردنەوەی تیژڕەوی و ڕووداوەكانی هاوتوچۆ.
ڕاشیگەیاندووە، داوا لە شۆفێران دەكەین ئاگاداربن و پابەندی خێرایی دیاری كراوی شەقامەكان بن.