مەسرور بارزانی، سەرۆكی حكومەتی هەرێمی كوردستان بڕیاریدا 700 پارچە زەوی
لە چوارچێوەی پڕۆژەی یەكەی نیشتەجێبونی قولەڕەیسی لە سلێمانی، لەسەر مامۆستایانی
زانكۆی سلێمانی تاپۆ بكرێت.
ئاوێنە: مەسرور
بارزانی، سەرۆكی حكومەتی هەرێمی كوردستان لە فەرمانێكدا رایگەیاندوە، بڕیارماندا
بە تاپۆكردنی ئەو 700 سەد پارچە زەوییەی لە كۆی زەوی پڕۆژەی وەبەرهێنانی
دروستكردنی یەكەی نیشتەجێبونی قولەڕەیسی لەسەر ناوی ئەو مامۆستایانەی كە لە
پڕۆژەكەدا بەشداریان كردوە بە مەرجێك پێشتر لە وەرگرتنی زەوی و یەكەی نیشتەجێبون
سودمەند نەبوبن.
هەڤاڵ ئەبوبەكر،
پارێزگاری سلێمانی، لەگەڵ بڵاوكردنەوەی وێنەیەكی فەرمانەكەدا لە لاپەڕەی خۆی لە
فەیسبوك، وتویەتی"ئاسودەین کە توانیمان داکۆکیکارێکی ڕاستگۆو دڵسۆزبین لەم دۆسیەیەداو
بە هیمەتی هەمو لایەک ڕێکارەکان تەواوبکەین و بودجەی جیاکردنەوەی زەوییەکانیش وەک
پارێزگاری سلێمانی بگرینە ئەستۆ."