2020-12-10 470
كۆمسیۆنی باڵای سەربەخۆی هەڵبژاردنەكانی عێراق ڕایگەیاند: زیاتر لە 26 ملیۆن كەس ماقی دەنگدانیان لە هەڵبژاردنەكەی ساڵی داهاتوو هەیە.
ئاوێنە: بەگوێرەی ڕاگەیەندراوێكی كۆمسیۆنی باڵای هەڵبژاردنەكانی عیراق، زیاتر لە 26 ملیۆن و 642 هەزار هاووڵاتی عێراقی مافی دەنگدانیان هەیە بۆ هەڵبژاردنی پێشوەخت كە لە 6 ی حوزەیرانی ساڵی داهاتوو ئەنجام دەدرێت.
لە ڕاگەیەنراوەكە ئەوەش هاتووە: تا ئێستا زیاتر لە 12 ملیۆن كارتی دەنگدان دابەشكراوە و زیاتر لە 14 ملیۆن دەنگدەریش لە سیستەمی بایۆمەتری بۆ هەلبژاردن ناویان تۆماركراوە.
لە ڕاگەیەنراوەكە ئەوەش خراوەتەڕوو: بەردەوامن لە رێكارە تەكنیكی و لۆجستییەكان تا پڕۆسەی هەڵبژاردن لەو وادەی دیاری كراوی خۆی، ئەنجام بدرێت.