وەزارەتی دارایی هەرێمی کوردستان لەنوسراوێكدا کە ئاڕاستەی وەزارەتی پەروەردەی كردوە، رەزامەندی نیشانداوە لەسەر خەرجکردنی موچەی سێ مانگی ساڵی رابردو بۆ مامۆستایانی وانەبێژ.
ئاوێنە: لەنوسراوەكەی وەزارەتی داراییدا هاتوە كە رازین لەسەر خەرجكردنی بڕی چوار ملیارو 675 ملیۆن دینار بەشێوەی مەقتوع وەك كرێی مامۆستایانی وانەبێژ بۆ مانگەكانی (10، 11، 12ی ساڵی 2020).
هەروەك ئەوەشی دەستنیشان كردوە كە بۆ هەڵگرانی بڕوانامەی بەکالۆریۆس و سەرو بەکالۆریۆس ٣٠٠ هەزار دینار بۆ هەر مانگێک خەرج بكرێت و بۆ هەڵگرانی بڕوانامەی دبلۆمیش بڕی 250 هەزار دینار.
