كەشناسی هەرێم
پێشبینی خۆی بۆ كەشوهەوای ئەمڕۆ هەینی و سبەی شەممەی شارەكانی باشوری كوردستان
خستەڕو و دەڵێت: بارینی بەفرو باران لە
ناوچە جیاجیاكانی هەرێم بەردەوام دەبێت و لە سەنتەری شارەكانی سلێمانی و دهۆك
شڵێوە (تێكەڵەی بەفرو باران) دەبارێت.
ئاوێنە:
بەڕێوەبەرایەتی گشتی كەشناسی و بومەلەرزەزانی هەرێمی كوردستان، لە راگەیەندراوێكدا
وتی، ئاسمانی ئەمڕۆی سەرجەم شارەكانی باشوری كوردستان هەور دەبێت لەگەڵ بارینی
باران لە هەر سێ شارەكانی سلێمانی و هەولێر و دهۆك و بارینی بەفر لە ناوچە
شاخاوییەكانی ئەو سێ پارێزگایە.
هەروەها ئاماژەی
بەوەشداوە كە ئاسمانی سبەی شارەكانی باشور دیسان هەور دەبێت لەگەڵ بارینی باران لە
سەرجەم شارەكان و هەروەها بارینی بەفر لە زۆربەی ناوچە شاخاوییەكانی پارێزگای
هەولێر، سلێمانی و دهۆك، لەگەڵ بارینی شڵێوە(تێكەڵەی بەفرو باران) لە سەنتەری
شارەكانی سلێمانی و دهۆك.