پۆلیسی تاران كەسێكیان دەستگیركردووە كە پشتوێنی بۆمبڕێژكراوی بەستبووە
  2021-02-24       289       
فەرماندەی پۆلیسی تاران ئاشكرایكردووە، “كەسێكیان دەستگیركردووە كە پشتوێنی بۆمبڕێژكراوی بەستبووە و بە نیازی خۆتەقاندنەوە بووە”.

ئاوێنە:بەگوێرەی ئاڕ تی-ی ڕوسی، لیوا حسێن ڕەحیمی، فەرماندەی پۆلیسی تاران ڕایگەیاندووە، “پێش چەند ڕۆژێك، پیاوێكمان لە تاران دەستگیركردووە كە پشتوێنی بۆمبڕێژكراوی بەستبوو و بەنیاز بوو خۆی بتەقێنێتەوە”.

ئەو فەرماندەیەی پۆلیس ئەوەشی خستوەتەڕوو، “ئەو كەسە بەنیازی كاری خۆكوژی و تەقەكردن بووە لە چەند ناوچەیەكی تاران و لەلایەن گروپە ئۆپۆزسیۆنەكانەوە هاندراوە”.

ئاماژەی بەوەشكردووە، “تۆمەتبارەكە، بەدەر لە پشتوێنی بۆمبڕێژكراو چەك و چەندین ئامێری دیكەی پێبووە”.

“لەكاتی دەستگیركردنەكە، ئەو كەسە بەنیازبووە لەڕێی بۆمبێكی دەستییەوە زیان بە پۆلیسەكان بگەیەنێت، بەڵام پۆلیسێك خۆی هەڵداوەتە سەری و ڕێگای نەداوە ئەو كارە بكات”، وەك لیوا ڕەحیمی ئاماژەی پێكردووە، ئەوەشی ڕاگەیاندووە، “ئەركی دەستگیركردنی ئەو كەسە زۆر مەترسیدار بووە و 45 خولەكی پێچووە”.
زۆرترین بینراو
© 2021 Awene Online, Inc. All Rights Reserved.
×