محەمەد حەلبوسی، سەرۆكی ئەنجومەنی نوێنەرانی عێراق، بڕیاریدا پڕۆژە یاسای
بودجەی 2021 بخرێتە بەرنامەی كاری دانیشتنی رۆژی دوشەممەی داهاتوی پەرلەمانی عێراق
بەمەبەستی دەنگدان لەسەر پڕۆژە یاساكە.
ئاوێنە: نوسینگەی راگەیاندنی سەرۆكی پەرلەمانی عێراق، كەمێك لەمەوبەر لەبەیاننامەیەكدا رایگەیاند، محەمەد حەلبوسی، سەرۆكی پەرلەمان فەرمانی داوە پڕۆژە یاسای بودجەی 2021ی عێراق بخرێتە بەرنامەی كاری دانیشتنی
رۆژی دوشەممەی داهاتوی پەرلەمانی عێراقەوە.
بەگوێرەی بەیاننامەكە، فەرمانەكەی محەمەد حەلبوسی لەسەر بنەمای داوكارییەكی
یوسف كیلابی، پەرلەمانتاری عێراق بوە كە لەلایەن 150 پەرلەمانتارەوە واژۆكراوەو
تێیدا داوای كردوە پڕۆژە یاساكە بخرێتە بەرنامەی كاری دانیشتنی داهاتوی پەرلەمانەوە بەمەبەستی پەسەندكردنی.
