تەقینەوەیەك لە ڕۆژهەڵاتی بەغدادی پایتەخت ڕویدا و بەپێی زانیارییە سەرەتاییەكان ژمارەیەك هاوڵاتی برینداربوون.
ئاوێنه: (كەمێك پێش ئێستا) تەقینەوەیەك لە ناوچەی حەبیبییە كە دەكەوێتە ڕۆژهەڵاتی بەغداد ڕویدا.
میدیا عێراقییەكان لەسەر زاری سەرچاوە ئەمنییەكانەوە بڵاویانكردەوە، تەنێكی نامۆ لەكاتی سوتاندنی خاشاك و پاشماوەی ناوچەكە تەقیوەتەوە.
هەر بەپێی سەرچاوەكان، تەقینەوەكە برینداربوونی زیاتر لە 10 كەسی لێكەوتووەتەوە، هەندێكیش باس لە بوونی كوژراو دەكەن.