وەزیری سامانە سروشتییەکان رایگەیاند "لە هەفتەی داهاتوەوە بەنزین کوالێتی باش دەبێت و هەرزانیش دەکرێت."
ئاوێنە: کەمال ئەتروشی، وەزیری سامانە سروشتییەکان، لە چاوپێكەوتنێكدا لەگەڵ روداو كە بڕیارە بەمزوانە پەخش بكرێت، رایگەیاند، لە 23ی ئابەوە یەک ملیۆن لیتر بەنزین لە بەغداوە دێت، "ئەمەش وادەکات کوالێتیی بەنزینەکەمان باش ببێت و نرخەکەشی دەبێت بە 650 دینار بە کوالێتییەکی باش و لە هەمو کوردستان بەو نرخە دەبێت".
ئەوەش لە کاتێکدایە، ماوەیەکە لە هەرێمی کوردستان نرخی بەنزین روی لە بەرزبونەوە كردوەو شۆفێرانیش وێڕای ناڕەزایەتییان بەرامبەر بە گراببونی باس لەوە دەكەن كە كوالێیتی بەنزینەكەش خراپ بوە.