وەزارەتی دەرەوەی ئیمارات، ئەمڕۆ چوارشەممە، پشتڕاستیكردوە كە ئەشرەف غەنی، سەرۆكە هەڵهاتوەكەی ئەفغانستان و خێزانەكەی لەو وڵاتەن و لەبەر هۆكاری مرۆیی پێشوازییان لێكراوە.
ئاوێنە: ئاژانسی رەسمی هەواڵی ئیمارات لە زاری وەزارەتی دەرەوەی وڵاتەكەوە بڵاویكردۆتەوە، ئیمارات پێشوازی لە ئەشرەف غەنی و خێزانەكەی كردوە لە وڵاتەكەیان ئەوەش لەبەر هۆكاری مرۆیی.
رۆژی یەكشەممەی رابردو لەگەڵ گەیشتنی چەكدارانی تاڵیبان بە دەروازەكانی كابوڵ، ئەشرەف غەنی، سەرۆكی ئەفغانستان لە وڵاتەكە هەڵهات و دواتر رایگەیاند، بۆ بەرگرتن لە رشتنی خوێن بڕیاری جێهێشتنی وڵاتی داوە.