رەجەب تەیب ئەردۆغان، سەرۆك كۆماری توركیا، ئاشكرایكرد، ئەگەر پێویست بێت
لەگەڵ ئەو حكومەتە كۆدەبنەوە كە بزوتنەوەی تاڵیبان لە ئەفغانستان پێكی دەهێنێت.
رەتیشیكردەوە كە یەك ملیۆن و نیو پەنابەری ئەفغانی لە توركیا هەبن.
ئاوێنە: رهجهب تهیب ئەردۆغان، دوای کۆبونەوەی کابینەی حكومەتەكەی، لە
وتەیەكدا سەبارەت بە دوایین پێشھاتەکانی ئەفغانستان، رایگهیاند"چونکە ئامانجی
لە پێشینەمان سەقامگیری و ئاسایشی ئەو وڵاتەیە، ئەگەر پێویست بێت لەگەڵ ئەو حکومەتەی
کە تاڵیبان پێکی دەھێنێت کۆدەبینەوەو پرسی ھاوبەش تاوتوێ دەکەین."
رهجهب تهیب ئەردۆغان
جەختی لەوەش کردەوە کە تورکیا ھیچ ئەرک، بەرپرسیارێتی و ناچارییەکی نییە کە ببێتە
کۆگای پەنابەران بۆ ئەورووپاو رایگهیاند: "وەک ئەوەی کە گەورەترین پارتی ئۆپۆزسیۆن
و ئەوانەی کە لەگەڵیانن دەیڵێن، بە ھیچ شێوەیەک یەك ملیۆن و نیو ئەفغانی لە وڵاتەکەماندا
نین. ھەمو ئەمانە درۆن."
بەپێی قسەی
ئەردۆغان ژمارەی ئەو پەنابەرە ئەفغانیانەی لە ئێستادا لە توركیان لە 300 هەزار كەس
تێناپەڕێت و وتیشی، 180 هەزاریان لای لایەنە پەیوەندیدارەكان تۆماركراون.
جەختیشی كردەوە كە لە ئەفغانستان هەوڵی زۆر
دەدەن بۆ هێنانەدی ئاسایش و سەقامگیری بە ئامانجی ئەوەی شەپۆلی نوێی كۆچ لەو
وڵاتەوە رونەكاتە توركیا.
هەروەها لە بەشێكی دیكەی وتەكەیدا
رایگەیاند، توركیا بەردەوامە لە گواستنەوەی ئەو هاوڵاتیانەی لە ئەفغانستانن و
دەیانەوێت ئەو وڵاتە جێبهێڵن و بگەڕێنەوەو وتیشی، پێنج هەزار هاوڵاتی توركیا لە
ئەفغانستان هەن كە دەیانەوێت بگەڕێنەوە، 500 كەس لەوانەمان لەگەڵ 83 كەسی بیانی
هێناونەتەوەو بەردەوامیش دەبین لە پڕۆسەی هێنانەوەیان.