لەدوای بۆردومانەكەی شەوی ڕابردووی كەمپی مەخمور، قەیس خەزعەلی، ئەمینداری گشتیی عەسائیبی ئەهلی حەق داوای كرد لایەنەكان ”بێدەنگنەبن” لەبەرامبەر بۆردومانی بەردەوامی فڕۆكەكانی توركیا بۆ سەر خاكی عێراق.
ئاوێنه: خەزعەلی لەتویتێكیدا ڕایگەیاند، ”كاتی گونجاو دێت بۆ بەرەیبەرخۆدانی عێراقی تاوەكو وانەیەكی قورس بدات بەداگیركەر و توركیا لەخاكی عێراق دەردەكات.”
هاوكات ”بەتوندترینشێوە” سەركۆنەی بۆردومانەكانی كرد بۆ سەر كەمپی پەنابەران و ”زیادكردنی كێشەو نەهامەتییەكانیان.”
شەوی ڕابردوو فڕۆکەی جەنگیی تورکیا کەمپی مەخمور و سنوری چیای قەرەچووخی بۆردوومانکرد و ئامانجەکانیش سەنگەر و بارەگاکانی پەکەکە بووە.