مستەفا کازمی، سەرۆک وەزیرانی عێراق بەفەرمانێک عەلائ کازم معەن، ئەمینداری بەغدای لەپۆستەی دورخستەوە و هۆکارەکەشی بۆ ئەوە گەڕاندوەتەوە کە ناوبراو لەئاستی پێویستدا نەبوە و "خراپی دۆخی خزمەتگوزارییەکانی پایتەختیش لە ئاستێکدایە چیتر قبوڵکراو نیە".
ئاوێنە: لە نوسراوێکدا سەرۆک وەزیرانی عێراق بڕیاریدا، عەلائ کازم معەن، ئەمینداری بەغدا لە پۆستەکەی دوربخرێتەوە، هۆکارەکەشی ئەوەیە ناوبراو ئەرکی خۆی جێبەجێنەکردوە.
لە نوسراوەکەدا ئەوەش هاتوە ، ئەمینداری بەغدا پابەندنەبوە بە بەڵێنەکانی و لە ئاستی چاوەڕوانیدا نەبوە، "بەڵکو زیاتر بەڵێنیداوە و کەمتر کرداری هەبوە، هەروەها خراپی دۆخی خزمەتگوزارییەکانی بەغداش لە ئاستێکدایە چیتر قبوڵکراو نیە".