هەپەگە كوژرانی 13 سەربازی دیكەی توركیا لە چالاكییەكانی گەریلادا لەناوچەكانی ئاڤاشین، زاپ و مەتینا لە باشوری كوردستان راگەیاند.
ئاوێنە: ناوەندنی راگەیاندنی هێزەكانی پاراستنی گەل(هەپەگە)، ئەمڕۆ پێنجشەممە، لە راگەیەندراوێكدا ئاماژەی بەوەدا كە لە دو رۆژی رابردوداو لە چەند چالاكییەكی گەریلادا دژبە سوپای توركیا لە ناوچەكانی ئاڤاشین، زاپ و مەتینا 13 سەربازی دیكەی توركیا كوژراون.
ئاماژەی بەوەشداوە كە "سوپای داگیرکەری تورکیا لە رۆژئاوای روباری زێ گیریخواردوە و ئەنجامی بەدەست نەهێناوە."
ئەوەشی خستۆتەڕو"سوپای تورکیا لە سێ رۆژی دواییدا بە هەزاران ئۆبۆس، ١١٨ جار بە فڕۆکەی جەنگی، ٥٢ جار بە چەکی کیمیایی و تەقەمەنی و بە هەلیکۆپتەر هێرشی کردوتە سەر گۆڕەپانەكانی بەرخۆدان."
هەروەها ئاماژەی بەوەشداوە كە لە ئەنجامی چالاكییەكی گەریلادا لە دو رۆژی رابردودا درۆنێک و سەنگەرێک لەناوبراون و گورز لە هەلیکۆپتەرێکی جەنگی و ٣ هەلیکۆپتەری سکۆرسکی وەشێنراوە و سەنگەرێکیش تێکشکێنراوە.