دژە تیرۆری كوردستان لەبارەی ئەو درۆنەی كە پاشنیوەڕۆی ئەمڕۆ(چوارشەممە) لە هەولێر كەوتە خوارەوە دەڵێت، درۆنێكی چاودێری ناوخۆیی بوەو بەهۆی هەڵەیەكی تەكنیكییەوە خۆی بە تاوەرێكی هێڵی ئینتەرنێتدا كێشاوە.
ئاوێنە: دژە تیرۆری كوردستان لە راگەیەندراوێكدا وتی"ئەمڕۆ چوارشەممە 15ی حوزەیرانی 2022 کاتژمێر 1:17ی پاشنیوەڕۆ لە گوندی گردجوتیاری سەربە قەزای عەنکاوەی پارێزگای هەولێر، درۆنێکی چاودێریی ناوخۆیی بەهۆی هەڵەیەکی تەکنیکییەوە خۆی بە تاوەرێکی هێڵی ئینتەرنێتدا دەکێشێت و تێکدەشکێت."
وتوشیەتی، روداوەكە هیچ زیانێکی گیانی لێ نەکەوتوتەوەو "هاونیشتمانیان دڵنیا دەکەینەوە، کە روداوەکە هیچ جێی مەترسیی نییە."