ئێوارەی ئەمڕۆ(دوشەممە)، جارێكی دیكە بە موشەك هێرشكرایە سەر كێڵگەی غازی كۆرمۆر لە چەمچەماڵ و زەنگی ئاگاداركردنەوە لە كێڵگەكە لێدراوەو هێشتا زیانەكانی هێرشەكە دیار نین.
ئاوێنە: رەمك رەمەزان، قایمقامی قەزای چەمچەماڵ، لەبارەی هێرشەکە بە روداوی راگەیاند"سەعات 7:50 خولەکی ئێوارەی ئەمڕۆ دوشەممە بە ژمارەیەک موشەک هێرش کرایە سەر کێڵگەی گازی کۆرمۆر و ئەوەی بە ئێمە گەیشتوە گوایە هێرشەکە بە سێ موشەک کراوە و دیارنییە موشەکەکان لە کوێوە ئاراستەکراون."
ئێستا هێزەکانی ئاسایش و پۆلیس و هێزە ئەمنییەکانی دیکە گەیشتونەتە شوێنی کەوتنەخوارەوەی مووشەکەکان و دەستیان بە لێکۆڵینەوە لە روداوەکە کردوە.
لە كۆتاییەكانی مانگی رابردوداو لە سێ رۆژی جیاوازدا بە موشەك هێشكرایە سەر هەمان كێڵگە.