ئەمڕۆ چوارشەممە، هەردو لیژنەی باڵای "حکومەتی هەرێمی کوردستان و حکومەتی فیدراڵ" لە بەغدا کۆبونەوەو "گفتوگۆیان لە بارەی چەند دۆسییەک کرد بە ئاڕاستەی چارەسەرکردنی کێشە هەڵپەسێردراوەکانی نێوان هەردولا لە چوارچێوەی دەستور."
ئاوێنە: بەپێی راگەیەندراوێكی حكومەتی هەرێم، "هەردو لا جەختیان كردەوە لەسەر گرنگی ئەم قۆناغە بۆ گەیشتن بە رێکەوتنی هاوبەش لە چوارچێوەی دەستورو کارنامەی منهاجی وەزاری کە لایەنە سیاسەکانی پێکهێنەری حکومەتی نوێ لەسەری ڕێکەوتن و لە ئەنجومەنی نوێنەرانیش پەسەندکراوە."
ئەوەشی خستۆتەڕو"لە کۆبونەوەکەدا، پرسی بودجە، نەوت، چاودێری دارایی و دەروازە سنورییەکان وەک تەوەری سەرەکی گفتوگۆکران."
حكومەتی هەرێم ئاماژەی بەوەشداوە كە "کۆبونەوەکانی نێوان ھەردولا بەردەوام دەبێت بۆ چارەسەرکردنی تەواوی دۆسییەکان."