فەرمانی دەستگیرکردن بۆ بەرپرسێکی باڵا دەرچوو
  2023-01-09       268       

بەشی لێکۆڵینەوەی دەستەی دەستپاکی رایگەیاند، دادگای لێکۆڵینەوەی رەسافە کە تایبەتمەندە بە دۆسیەی دەستپاکی، بڕیاریدا ڕاوێژکاری وەزارەتی نەوت بۆ کاروباری بازاڕکردن و ستراتیژی لە سەنتەری وەزارەت، سەبارەت بە دواکەوتنی ناردنی نەوتی خاو کە لە کۆمپانیای بەبازاڕکردنی نەوتەوە هەناردە دەکرێت دەستگیربکرێت.

ئاماژە بەوەشکراوە،  لە ئەنجامی کەمتەرخەمییەکە کۆمپانیای بەبازاڕکردنی نەوت “سۆمۆ” غەرامەی دواکەوتنی دارایی داوە بە کۆمپانیا بەڵێندەرەکان، بەهۆی دواکەوتنی پرۆسەی بارکردنی نەوتی خاو لە بەندەرەکانی هەناردەکردن لە نێوان ساڵانی 2016 بۆ 2017.

ئەوەشی خستەڕوو، دادگای لێکۆڵینەوەی رەسافە کە تایبەتە بە دۆسیەکانی دەستپاکی، بەپێی بڕگەکانی مادەی (340) لە یاسای سزادانی هەموارکراوی ژمارە (١١١ی ساڵی ١٩٦٩)، فەرمانی بانگهێشتکردنی بۆ تۆمەتبار دەرکردووە.

 

زۆرترین بینراو
© 2023 Awene Online, Inc. All Rights Reserved.
×