نرخی نەوت بە شێوەیەکی بەرچاو لە بازاڕەکانی جیهاندا بەرزبووەوە بە جۆرێك لە کۆتایی ساڵی رابردووەوە هەڵکشانی لەوجۆرەی بەخۆوە نەبینیوە.
ئاوێنە: ئەمڕۆ چوارشەممە نرخی یەك بەرمیل نەوتی خاوی برێنت گەیشتە 90 دۆلار و 40 سەنت، ئەمەش یەکەمجارە لە دوای مانگی تشرینی دووەمی 2022-ەوە بەرزبوونەوەی لەو جۆرە بەخۆوە ببینێت.
هاوکات نرخی یەك بەرمیل نەوتی خاوی ئەمریکیش گەیشتە نزیکەی 87 دۆلار.
ئەم هەڵکشانەی نرخی نەوت دوای ئەوە هات کە سعودیە و ڕووسیا بڕیاریاندا تا کۆتایی ئەمساڵ ئاستی بەرهەمهێنان کەمبکەنەوە.