2023-12-18   318     
سەرۆكی پێشووی ئەنجومەنی نوێنەرانی عێراق ڕایدەگەیەنێت،"لیستەكەم سەركەوتنی گەورە بەدەست دەهێنێت".
محەمەد حەلبوسی سەرۆكی پێشووی ئەنجومەنی نوێنەرانی عێراق و سەرۆكی لیستی تەقەددوم لەیەكێك لە بنكەكانی پارێزگای گرمە لە پارێزگای ئەنبار, بەشداری پرۆسەی دەنگدانی هەڵبژاردنی ئەنجومەنی پارێزگاكانی كرد.
حەلبوسی پێشبینكردووە رێژەی بەشداری دەنگدەران زۆربێت و لیستەكەی سەركەوتنێكی گەورە بەدەستبهێنێت.
ئەوەش لەكاتێكدایە، بەیانیی ئەمڕۆ دووشەممە 18-12-2023 پڕۆسەی دەنگدان بۆ هەڵبژاردنی ئەنجومەنی پارێزگاكانی عێراق دەستیپێكرد.
جێگەی باسە،رۆژی 14-11-2023، دادگای باڵای فیدڕاڵی عێراق بە تۆمەتی ئەنجامدانی ساختەكاری بڕیاڕی كۆتایهاتنی ئەندامێتی محەمەد حەلبوسی دەركرد لە پەرلەمانی عێراق.