یاریدەدەرێكی سكرتێری گشتی یەكێتی كۆچی دوایی كرد
  2019-08-25       1387       

فه‌رمانده‌و تێكۆشه‌ری دێرین حه‌مه‌ی فه‌ره‌ج، یاریده‌ده‌ری سكرتێری گشتیی یه‌كێتی بۆ كاروباری كۆمه‌ڵایه‌تی كۆچی دوایی كرد.

ئاوێنە: میدیای رەسمی یەكێتی بڵاویكردەوە كە ئێواره‌ی ئه‌مڕۆ یه‌كشه‌ممه‌ 25-8-2019 حه‌مه‌ی فه‌ره‌ج، یاریده‌ده‌ری سكرتێری گشتیی یه‌كێتی بۆ كارو باری كۆمه‌ڵایه‌تی به‌هۆی نه‌خۆشیه‌وه‌ له‌تەمەنی 85 ساڵیدا شاری سلێمانی كۆچی دوایی كرد.

لەزاری خانەوادەكەیەوە بڵاویكردۆتەوە كە بڕیاره‌ سبه‌ینێ دوشه‌ممه‌ سه‌عات 9 به‌یانی ته‌رمی ناوبراو‌‌ له‌ مزگه‌وتی ئه‌حمه‌دی حاجی عه‌لییه‌وه‌ به‌ره‌و گۆڕستانی سه‌یوان به‌ڕێبكرێت و له‌وێ به‌خاكبسپێدرێت.

حەمەی فەرەج ساڵی 1934 لە هەڵەبجە لەدایكبوە.

حه‌مه‌ی فه‌ره‌ج له‌ هه‌ردو شۆڕشی ئه‌یلول و شۆڕشی نوێ وه‌ك پێشمه‌رگه‌و فه‌رمانده‌یه‌ك به‌شداری كارای هه‌بوه.

ساڵی 1983 بە ئەندامی سەركردایەتی یەكێتی شۆڕشگێران هەڵبژێردراوە.

ساڵی 1985 بریندار بوەو قاچێكی لەدەستداوە.

زۆرترین بینراو
© 2018 Awene Online, Inc. All Rights Reserved.
×