رێژین رەئوف، بەڕێوەبەری گەشتوگوزاری دوكان رایگەیاند، ئامادەكاریی پێویستیان كردووە بۆ پێشوازیكردن لە گەشتیاران لە رۆژانی جەژن و رۆژانی دواتردا.
وتیشی، "بە لەبەرچاوگرتنی جەژنی رەمەزانی ساڵی رابردوو پێشبینی دەكەین زیاتر لە 100 هەزار گەشتیار روو لە سنوورەكەمان بكات".
باسی لەوەشكرد، هەریەك لە تیمەكانی بەرگریی شارستانی و مەلەوانی لە سەیرانگاكان دەبن بۆ بەهاناوەچوونی هەر دۆخێكی نەخوازراو.
دەربارەی نرخی كەپر و كابینەكانیش بەڕێوەبەری گەشتوگوزاری دوكان ئاشكرایكرد، كرێی مانەوەی كەپرەكان لەنێوان 25 بۆ 60 هەزار دیناردا دەبێت و، كرێی كابینەكانیش لەنێوان 100 بۆ 400 هەزار دیناردا دەبێت.