بافڵ تاڵەبانی، سەرۆكی یەكێتی لە پەیامێكی پیرۆزباییدا بەبۆنەی هاتنەوەی جەژنی رەمەزانەوە، دەڵێت، هیوادارم جەژن هاندەرمان بێت بۆ یەكدەنگی و هەوڵ بۆ پاراستنی سەقامگیریی هەرێمەكەمان بدەین.
ئاوێنە: بافڵ تاڵەبانی، سەرۆكی یەكێتی لە پەیامەكەیدا وتویەتی"هیوادارم ئەم بۆنە پیرۆزە ببێتە مایەی قوڵكردنەوەی تەبایی و گەشەپێدانی بیری ئاشتی و پێكەوەژیان لە كوردستانی ئازیزمان، هاندەرمان بێت تاوەكو هەمومان یەكدەنگ و یەكهەڵوێست لەپێناو خەڵكە خۆشەویستەكەمان كاربكەین و هەوڵ بۆ پاراستنی سەقامگیریی هەرێمەكەمان بدەین."
دەقی پەیامەكە:
جەژنی رەمەزانی پیرۆز لە هەمو موسڵمانانی كوردستان، عیراق و جیهان پیرۆزبێت و لەخوای گەورە داواكارم رۆژو و پاڕانەوەی هەمولایەك قبوڵبكات.
هیوادارم ئەم بۆنە پیرۆزە ببێتە مایەی قوڵكردنەوەی تەبایی و گەشەپێدانی بیری ئاشتی و پێكەوەژیان لە كوردستانی ئازیزمان، هاندەرمان بێت تاوەكو هەمومان یەكدەنگ و یەكهەڵوێست لەپێناو خەڵكە خۆشەویستەكەمان كاربكەین و هەوڵ بۆ پاراستنی سەقامگیریی هەرێمەكەمان بدەین.
دوبارە جەژنتان پیرۆزبێت و هیوای دڵخۆشی بۆ هەمولایەک
بافڵ جەلال تاڵەبانی
سەرۆکی یەکێتیی نیشتمانیی کوردستان