بەڕێوەبەری وەرزشی سلێمانی ئاشکرایکرد، دوای جەژن ژمارەیەک هۆڵی لەشجوانی دەکرێنە بێ بەرامبەر.

کاروان زیرەک بەڕێوەبەری وەرزشی سلێمانی بە میدیایه‌كی یه‌كێتی راگەیاند:" بە مەبەستی هاندانی هاوڵاتییان بۆ وەرزشکردن، هەماهەنگیمان لەگەڵ چەند 10 هۆڵی لەشجوانی سلێمانیدا کرد کە هاوکاربن لە مانگەکەدا دوو رۆژ یاریکردن بۆ ئەو کەسانە بکەنە بێ بەرامبەر کە لە رێگەی ئەو لینکەی ئێمە بڵاومانکردووەتەوە ناویان دەنووسن".

ئاماژەی بەوەشکرد:" بە سوپاسەوە لە ئێستادا ژمارەی ئەو هۆڵە لەشجوانییانەی بەدەم داواکەمانەوە هاتوون گەیشتووەتە 17 هۆڵ، بۆیە ئێمەش بڕیارمانداوە ئەو کەسانەی لە رێگەی لینکەکەی ئێمەوە ناو دەنووسن هەر دوو رۆژە و لە یەکێک لەو هۆڵانە بتوانن بەبێ بەرامبەر وەرزش بکەن".

باسی لەوەشکرد:" پرۆژەکەمان لە رۆژی 15ی نیسانەوە دەستپێدەکات و پاش سەرکەوتنی ئەم قۆناغە، داوا لە مەلەوانگەکانیش دەکەین کە بەشداربن لە پرۆژەکەماندا".

لەم لینکەوە ناوی خۆت تۆمار بکە