2019-09-29 428
به‌مه‌به‌ستی گفتوگۆكردن له‌گه‌ڵ به‌رپرسانی ئێران، سه‌رۆك وه‌زیرانی عیراق سه‌ردانی ئێران ده‌كات.
ئاوێنه: له‌وباره‌یه‌وه میدیاكانی ئێران بڵاویانكردۆته‌وه كه بڕیاره عادل عه‌بدولمه‌هدی سه‌رۆك وه‌زیرانی عیراق سه‌ردانی تارانی پایته‌ختی ئێران بكات و له‌گه‌ڵ گه‌وره به‌رپرسانی ئێرانی كۆببێته‌وه.
میدیاكانی ئێران ئاماژه‌یان به‌كاتی سه‌ردانه‌كه نه‌كردووه و هه‌ندێك له‌سه‌رچاوه‌كان باس له‌وه ده‌كه‌ن كه پێده‌چێت سه‌رۆك وه‌زیرانی عیراق ببێته ناوبژیوانێك بۆ چاره‌سه‌ركردنی كێشه‌كانی نێوان ئێران و سعودیه.